comprende?

lauk fljótt af!

Thu, 30 Aug 2007 21:36:11 GMT

Jújú það er komin staðsetning - kæru vinir, héðan í frá er blogg mitt á

www.eyrunelva.blog.is

done for it

Thu, 30 Aug 2007 21:05:54 GMT

Jáh, það hlaut nú að koma að því. Þetta blog.central dæmi hefur svo sem þjónað mér ágætlega þessi ár, en þetta er vissulega barn síns tíma. Þegar ég sá fram á það að til að gera það sem mig langaði til þyrfti ég hvort sem er að byrja allt upp á nýtt, svo af hverju ekki á nýjum vettvangi. Það er kominn tími til að breyta til.

Ný síða er í vinnslu - hendi slóðinni inn við tækifæri ;)

100 manns?

Thu, 30 Aug 2007 17:07:34 GMT

Já hvar eru núna þessir 100 manns sem sáu sér fært að kíkja á síðuna mína í gær? Að vísu er sennilegra að kerfið sé eitthvað að klikka, en maður má lifa í voninni ;)

Þá er komið að LR Henning update! :D Ég sem sagt fer heim á Strönd greinilega svona einu sinni í viku, og þar er vigtin sem ég miða mig við. Á þriðjudaginn voru nákvæmlega tvær vikur liðnar frá því að ég byrjaði á kúrnum og þann dag var ég 2,5 kílóum léttari :haha: Það finnst mér MJÖG mikið miðað við feitu svindlhelgina sem ég átti síðast, við erum að tala um bjór (og aðrar veigar) bæði á fimmtudag og föstudag, svo pizza og ENGIN kúrastarfsemi á sunnudeginum... Og alltaf tek ég a.m.k. eina flotta máltíð á dag :) Þess má líka geta að ég er búin að missa svona 5-6 cm af bumbumallanum :haha: Sem allt málið snýst um. Eða þannig, þú veist. Undir venjulegum kringumstæðum væri ég að fitna núna, að fara úr vinnu þar sem maður er á röltinu nánast allan daginn í að sitja á rassinum og fleira (eins og sukkfæði sem fylgir bachelor-lífinu;)). Svo happy happy joy joy. Ég á nú ekki eftir að endast lengur á þessu samt en það sem ég á núna, bara æfa mig núna í að snúa við blaðinu til að hafa heilbrigt líferni í framtíðinni :)

*anda inn*

Svo víst að það gengur svona vel hjá mér þá verð ég að halda áfram að svindla, eina svindlið sem ég "leyfi" mér er áfengi :p Stefnan er víst á rokna Papadjamm á laugardaginn ala Ásdís og co. ;) Ég er nú samt að vinna alla helgina þannig að mín verður aðeins róleg... Helgina eftir er það sprell og sumarbústaður með gamla skíðagenginu (mínus Svenni gamli :(), helgina eftir það ætlar hún Ólöf að koma í heimsókn og stefnan er tekin á Palla minn :haha:

Líffræðin bíður!

ertu ekki að grínast?

Wed, 29 Aug 2007 09:40:25 GMT

"Dómari fluttur á sjúkrahús eftir að leikmaður réðst á hann, þrí-rifbeinsbrotinn

Sá skelfilegi atburður átti sér stað í leik í gærkvöldi þegar Dinamo Gym 80-Vatnaliljur áttust við í Utandeildinni að Varmá að einn leikmaður Dinamo Gym réðst á dómara leiksins þegar hann flautaði leikinn af. Fyrst byrjaði hann á því að reyna að slá til hans en síðan kom hann og sparkaði hann niður.
Dómarinn sem er á sextugsaldri lenti illa með þeim afleiðingum að þrjú rifbein brotnuðu.
Hann fór rakleiðis á sjúkrahús en var útskrifaður seinna um kvöldið.

Umræddur leikmaður veitist að dómara eftir að andstæðingurinn var búinn að skora mark og setti athugasemdir við dómgæsluna bað þá dómarinn hann mun hætta eða hann fengi rauðaspjaldið.
Rautt spjald var ofan á og þegar leikurinn var svo búinn kom þessi umræddi leikmaðurinn og veitist að dómara með fyrrgreindum afleiðingum.

Virkilega slæmt að vita að svona menn eru til sem gera svona laga. Allt bentir til þess að umræddur leikmaðurinn verði kærður til lögreglu enda er þetta gróf líkamsárás."

tekið af gras.is

Er þetta ekki orðið fulllangt gengið?! Ég sá þessa fyrirsögn á www.gras.is og datt ekki annað í hug en þetta væri erlend frétt. Sumu fólki á bara ekki að leyfa að spila fótbolta, það liggur við að fólk ætti að fara í sálfræðipróf áður en þeim er hleypt í deildakeppni. Þó það sé utandeildin!

Það er reyndar nógu pirrandi hvað fjölmiðlar eru farnir að pressa á dómaraumræður, í alveg vitlausum tilgangi - í staðinn fyrir að einblína á leikinn sjálfan (þið vitið, 11 á móti 11, skjóta á mark o.sfrv.). Þegar fjölmiðlamaður gengur upp að æstum þjálfara sem hann veit að er auðvelt að æsa enn meira og spyr "hvernig fannst þér dómgæslan?" í von um að fá blótsyrði og kjaftæði sem gefur mikið áhorf í fréttum daginn eftir. Það er bara fáránlegt.

Sem dómaradóttir hef ég alveg fengið að heyra það (sem er líka alveg fáránlegt, hvað kemur þetta mér við) og ég þakka bara fyrir það að gamli er ekki "sjónvarps-dómari". Nógu mikið vesen er þetta fyrir.

Gefið þeim breik. Kommon. Þetta eru pabbar og bræður og synir og afar og frændur. Lifandi og andandi verur.

oh joy...

Mon, 27 Aug 2007 19:13:12 GMT

Þar sem mér var samviskulega bent á að svartur bakgrunnur væri alveg fáránlegur fyrir vefsíðu núna nýlega, ákvað ég að breyta til. Er þetta betra? (þú veist hver þú ert... ;))

Það er samt týpíst af mér, að hafa svart yfir sumarið og breyta svo í ljósari liti þegar líður að vetri. Ég valdi annars þennan frábæra lit vegna þess að hann er í stíl við stofuna okkar hehe ;)

Það er ávallt nóg að gera, nýnemavikan var tær snilld - nú er ég farin að komast að því af hverju þetta er kallaður BjórHáskólinn :P Og ekki var viku-endinn mikið síðri, utan við það að ég lagðist í rúmið í gær með feitan hita og læti, svo neyðir maður sig bara í skólann í slappleikanum.. töff gæ!

Eins og venjulega eru helgarnar framundan að bókast, ég er farin að svara með "humm ég held ég verði að kíkja í dagbókina.." ;) Verst að vinnan og skólinn gleymist í þessu öllu saman en það á eftir að pússlast...

...afsakið hlé, ég var að hnerra 7 sinnum...

...saman einhvern veginn, eins og maður hafi ekki djögglað áður ;)

Spurning um að snúa sér aftur að STÆ3103..? (ok ég var að skoða myndbönd af hlæjandi börnum á netinu en þið segið engum :haha: )

(dingding! það er loksins einhver búinn að kjósa í könnuninni minni að þeim líkar ekki við mig... ;) má ég gerast svo óskammfeilin að biðja viðkomandi að gefa smá útskýringu, þó það sé nafnlaust..? there's always room for improvement ;))

...party all the time, party all the time...

Wed, 22 Aug 2007 18:07:47 GMT

Ég hef fulla trú á því að nú sé ég orðin að minnsta kosti 168 cm, ég er svo stór ;) Takk fyrir allar afmæliskveðjurnar, hvort sem það var hér eða á myspace-inu mínu, í gegnum símann, sms eða face-2-face :) Þær eru allar jafn góðar, hvort sem það er kl. 00.05 (takk svansa;)), 05:30 (takk garðar) eða 23:57 (takk svenni minn) :lol:

Á maður að fara að telja upp ammilisgjafirnar? Fullgróft kannski..? Jæja, það virtist vera þemaið að gefa manni kökur og gotterí (takk fyrir hugsunina en - nei!) Þar sem það er átak á fullu í gangi, neyddum við Svansa Bjarna til að borða hálfa marengstertu hehe, og ég fór svo með restina niðrí Rúmfó og gaf liðinu afganginn :) Ok, ég fékk mér eina sneið í tilefni afmælisins - enda eru bara sjeikar í dag hehe... líka því það er víst fyrsta háskóladjammið á morgun, maður verður víst að byrja strax að bæta fyrir það ;)

Annars keypti ég mér sjálf í afmælisgjöf nýja fartölvu, ekkert smá krúttlega og flotta 8) Og svo á ég ótrúlega hæfileika vini, Svansa saumaði handa mér peysu (ekkert smá flotta) í leynimakki! Þú verður að redda mér mynd af henni til að setja hérna Svansa mín...

ps. hafiði heyrt lag numero uno í dag? party all the time með sharam? farið á www.myspace.com/eyrunelva ef viljið hlusta á þessa snilld... :haha:

Háskólanemi :)

Mon, 20 Aug 2007 17:15:40 GMT

Mikið er maður orðinn ofboðslega stór :) Fyrsti dagurinn í Háskólanum á Akureyri liðinn og á morgun skríður maður svo aðeins lengra inn í þrítugsaldurinn. Þetta lítur allt bara mjög vel út, fílaði mig aðeins sem lítinn saklausan busa í annað skiptið á ævinni, en sú tilfinning var skammvinn. Eldri og vitrari, aðeins meira sín eigin manneskja - meira sjálfstraust, meiri sjálfsþekking - ég held að þetta verði frábært ár! :) Finn strax að ég hef saknað þess að vera academic, og nú er að nýta það til fulls.

Ég hlakka til að nota þessa nýfundnu orku til að gera mitt besta, kynnast nýju fólki og byrja örlítið enn á ný upp á nýtt :)

Annars skrapp ég aðeins heim um helgina, kíkkti í smá fótbolta heim á Strönd :) Gekk nú ekki alveg eins og skyldi, enda smá heppnisfnykur af þessu öllu saman ;) Og í tilefni þess að ég var heima, kíkkti ég á gömlu góðu vigtina. Ákvað að vísu að taka ekki mikið mark á henni, þar sem yfirleitt er mikil sveifla á mér bara á milli morgna og kvölds - og steig á vigtina að kvöldi til OG fyrsta degi þið-vitið-hvað, þar sem ég er alltaf mun þyngri. Og viti menn - ég var samt búin að léttast :) Segi kannski meira seinna þegar það er eitthvað að marka ;)

Rosalega er samt gaman að sjá hversu vel fólki líkar við mig - skv. skoðanakönnuninni alla vega ;) Meira segja einhver ástfanginn af mér - hann er vinsamlegast beðinn um að gefa sig fram! Msn-ið mitt er frilicity@hotmail.com :haha:

orkubolti :)

Sun, 19 Aug 2007 11:33:39 GMT

Sælt veri fólkið!

Nú verð ég bara að koma með lofræðu - ég vil ekki hljóma eins og söluaðili en ég bara verð að deila þessu! Málið er að ég byrjaði á LR Henning kúrnum á þriðjudaginn. Fyrstu þrír dagarnir vou erfiðir, sem ég held að geri það að verkum að hinir dagarnir eru svo léttir :) Strax á þriðja degi fór ég að finna mun - þá er ég ekki að tala um kílóin eða ummálið (sem var að vísu búið að minnka;)), heldur er eins og ég finni að öll þessi eiturefni og aukaefni séu bara horfin. Frá þeim degi hef ég haft margfalt meiri orku, hvílist miklu, miklu betur, líður miklu betur í maganum og finnst ég geta allt :) Ef ekki væri fyrir þessa helvítis mánaðarverki þá væri ég on top of the world akkúrat núna ;)

Mér líður eins og alla aðra daga í sumar hafi ég verið þunn og nú sé þetta loksins að koma :lol:

En nú er það stóra spurningin - getur maður eitthvað hreyft sig? Fékk einhvern til að taka seinni tvo tímana fyrir mig í dag, þannig að kl. 3 þá bruna ég út á Strönd og tek þar þátt í fótbolta"móti" (getur maður kallað það mót ef það eru bara tvö lið?) fyrir hönd Reynis, en þess má geta að ég hef ekki spilað fótbolta síðan fyrri part júlí held ég... Þannig að þetta verður bara tekið á gleðinni :)

Ætla að halda áfram að sötra teið mitt... :)

hey vitið hver á afmæli í næstu viku?

Wed, 15 Aug 2007 20:10:55 GMT

...það myndi vera litla ég :) Bara svona að láta vita, ef einhver var búinn að gleyma mér. Ég veit nefninlega að það er erfitt að muna alla þessa ágúst afmælisdaga, og einhvern veginn minnir alla að ég eigi afmæli 22. eða 26. en nei - 21. ágúst er það, þriðjudaginn :) Ok nóg um afmælis-áráttu...

Var annars að byrja á smá kúr hérna í gær, LR-Henning dæmi einhverju... Langaði obboslega til að prófa og ákvað að skella mér í þetta. Og mér datt ekki í hug að þetta yrði svona erfitt! Fyrstu þrír dagarnir eru erfiðastir, en ég má ekki borða neitt nema grænmeti og ávexti - í þrjá daga! Ég er á öðru kvöldi, og hef ekki hugsað um neitt annað en brauð og nammi og kjöt í dag... auk þess er ég í svona líkamshreinsun á fullu - sem þýðir að ég hef aldrei á ævi minni pissað jafn mikið! Og ég hef nú farið á þónokkur fylleríin ;) En ég er bara að stay strong og sjá hvað gerist.

Það á víst að vera hraðmót á ströndinni á sunnudaginn, kl. 4. Það er æði. Utan við það að ég á að vera að vinna til kl. 5 á AK, og já - við erum ekki með neitt lið. Sjibbí! Ekki veit ég hvernig þetta verður, hvort við skröpum í eitthvað kjánalegt, óæft lið til að spila á móti Dallas-ingum, eða hvort Dallas-liðið þurfi bara að spila á eitt mark hehe (veit ekki hvort það verða einhver lið ;)). Comes in light!

Svo er bara planið næst að byrja í skólanum á mánudaginn (spurning um að maður fari og kaupi sér bækur - hvenær?), svo er spurning um að bjóða vinum í mat, opna heimili sitt fyrir ókunnugum, taka eitt stykki skíðadjammm... svona næsta mánaðarplan eða svo :)

gosh - i'll do whatever i feel like. napoleon dynamite

Thu, 09 Aug 2007 23:08:40 GMT

Jæja ætli ég verði ekki að blogga, Svanhildur segir að ég eigi að gera það.

Auðvitað hef ég ekki frá neinu merkilegu að segja! En versló var ágæt, hefði getað verið betri ef hún hefði farið eins og hún átti að fara... ;) en úr því skal bætt! Helgin fólst nokkurn veginn í þynnku og fylleríi, eins og sönn verslunarmannahelgi á að vera. Auðvitað fygldu aðrir hlutir með eins og partý og fleira, sem er annað hvort ekki vert að nefna eða maður ætti að halda fyrir sjálfan sig ;)

Fiskidagurinn nálgast... ég er að spá í að reyna að taka fiskisúpurölt svona í fyrsta skipti, svo er auðvitað bara stenft á tómt djamm! Reyndar gat ég engan veginn neitað frænda mínum þegar hann bað mig að grilla fyrir sig á laugardagskvöldið, þannig að ég er working girl fyrri part kvölds :)

Nú er klukkan orðin meira en 23. Ég sem ætlaði snemma að sofa, eins og ég ætla öll kvöld - ég berst við að halda augunum opnum upp úr 20, og kemur fyrir að ég dotta eins og örlítið! Við erum að tala um sekúndur fólk! Og þá er kvöldið ónýtt. Ég er að fara að sofa svona upp úr eitt, til að vakna aftur í vinnuna hálf 7. Frábært líf!

Ég þarf varla að spyrja - eru ekki allir að koma á Fiskidaginn mikla eða? ;)

metið fallið!

Thu, 02 Aug 2007 17:54:57 GMT

Það hlaut að koma að því - ég var óvinnufær í dag, vegna veikinda! Utan við litla vinnuslysið mitt í september, þá hef ég ekki átt veikindadag í vinnu síðan - well look at that, ég man bara ekki eftir neinum! Hlýtur að vera mjög langt síðan... held í fiskivinnu sumarið 2005 kannski, bara man það ekki :) En reyndar hringdi ég mig ekki inn veika í morgun, ég mætti "eldhress" kl 7 í vinnuna, og var send heim kl 9 :) Grá í framan og ælandi, very nice yes... hélt því statt og stöðugt fram að ég myndi mæta hress eftir hádegi, sem ég auðvitað gerði ekki þrátt fyrir allar góðar áætlanir.

Því fór þessi dagur í fokk, í að hanga inni á klósetti, sofa og hanga í tölvunni... shibbý. Hefur sjaldan leiðst jafn mikið. En það fer að styttast í að Svansa komi heim, og ég er svo pott þétt að fara í vinnuna á morgun, annað gengur ekki! Býð ekki upp á annan svona dag, og svo er verslóá morgun! gasp...

Vá besta færsla ever. Biðst afsökunar tilgangsleysinu, ég hafði bara ekkert betra að gera.

there's beer in ða houz!

Fri, 27 Jul 2007 20:13:37 GMT

Já þið lásuð rétt - það er loksins kominn Kaldi í ísskápinn í Melateignum! Reyndar er ég á því að við hefðum átt að láta bjór vera það fyrsta "matarkyns" sem við fórum með inn í íbúðina, ekki salt (til að eiga alltaf salt í grautinn) og rúgbrauð (til að alltaf sé til matur)... Bara bjór, svo alltaf sé til áfengi í húsinu! En það er of seint núna. Maður getur bara beðið og vonað :)

Annars er lífið ágætt, utan við einhvern ljótan kvefskít sem ég er ákveðin í að losa mig við sem fyrst, stefnan tekin á nett djamm á morgun :) Maður er búinn að vera algjör aumingi þessa vikuna, alltaf búin á því eftir 7-18.30 vinnudaginn... sem er algjör aumingjaskapur, þegar maður hefur meikað 3 jól í Rúmfatalagernum! Annars styttist óðum í versló, og annan endan á sumrinu. Skrýtið að segja að mér léttir pínu við að heyra það, verð að fá smá breik frá þessu Rúmfó -lífi. Og því miður er ég búið með sumarfríið mitt - þessa heilu 6 daga ;) En ég er hugsanlega bara að blekkja sjálfa mig, skólinn bætist örugglega bara við og það verður ekki meiri hvíldartími en núna...

31. júlí kemur bráðum, hugsa mjög mikið um þennan dag núna - loksins frí.... :)

ps. nú er hægt að fá kaffi, kókómjólk, appelsínusafa, rósavín og Kalda í Meló, allir kíkka í heimsókn :)

Duglegur bloggari :)

Mon, 23 Jul 2007 00:01:17 GMT

Ein ekki alveg að standa sig í blogginu - enda var síðasta færsla svo góð og full af rotvarnarefnum, góður stimpill á henni :)

Hvað er búið að vera í gangi? Margt og mikið... Frásögum færandi? Minna frekar en meira...

Ekki ennþá búið að halda partý í nýju íbúðinni, enda ekki partýhæf - ekki alveg tilbúin til sýningar :)

Var að koma að sunnan, tók smá skrepp - sem var æði :) Þó að Palla mínum hafi verið fórnað fyrir aðra skemmtun... ;) OG - það bregst ekki að það rigni eitthvað á hverjum degi á meðan ég er fyrir sunnan. Hvað er málið, maður heyrir endalaust um þurrka ástand og 20 stiga hita, ég fer tvisvar suður í sumar og alltaf er grátt yfir og rignir af og til. Reykjavík hefur eitthvað á móti mér! Ég sem hélt að við værum að verða ágætis félagar... :)

Nú eru aðeins tvær vikur í Versló - og þrjár í fiskidaginn! Og þriðja stærsta djammhelgin er alveg dottin út - einhvern veginn var ekki einu sinni minnst á Hríseyjarhátíðina, sem hefur þó verið fastur liður hjá manni síðan um fermingu. En þó að sumarið hafi verið gott hingað til, þá trúi ég því að the best is yet to come! Hlakka til að sjá allt koma í ljós... :)

...hey there delilah...

Tue, 03 Jul 2007 19:53:31 GMT

A thousand miles seems pretty far
But they've got planes and trains and cars
I'd walk to you if I had no other way
Our friends would all make fun of us
and we'll just laugh along because we know
That none of them have felt this way

... :)

Bergdís Birta :)

Sun, 01 Jul 2007 18:39:33 GMT

Þetta ofurkrúttlega nafn fékk ofurkrúttlega frænkan mín í dag :)

Fórum Rúmfó-liðið í gær í bjórkynningu hérna á Ströndinni, og kom enn og aftur í ljós hvað þetta er skrýtið lið... Vorum einhver 10 stykki, 5 að drekka og 5 edrú! Og svo gerðist sá stórmerkilegi atburður að ég bauð í partý heima hjá mömmu og pabba! Sem voru auðvitað ekki heima, en þetta er sem sagt í fyrsta skipti sem ég býð fólki heim til mín hérna á Ströndinni í partý... en svo fórum við líka bara út á leikvöll og á trampólínið :) Skrapp í bæinn með liðinu og það var alveg vangefið en mjög gaman engu að síður ;)

Svo er bara flutningar núna næstu daga... er varla að nenna því, en það verður fínt þegar það er búið :) Annars hef ég engan tíma í næstu viku til að stússast í þessu, bara landsmót og læti :) verð sem sagt í Kópavogi eða þar nálægt seinnipart næstu viku, fyrir sunnan aldrei þessu vant bara...

Anyhoo, ætla að fara að þynnkast aðeins... ;)